Mga Talinhaga 29:1 - Marahay na Bareta Biblia

¹ An tawong habong magdangog kun sinasaway, mahuhulog asin dai na makakabangon pag-abot kan panahon.

Mga Talinhaga 29:1 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

2 Mga Cronica 33:10

Maski pinatanidan nin Kagurangnan si Manases asin an saiyang banwaan, alagad dai sinda nagdangog.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Exodo 9:7

Nagsugo an hade tanganing siyasaton an nangyari, asin naaraman niya na mayo nin nagadan sa mga hayop kan mga Israelita. Alagad nagmatagas an hade asin dai tinugotan na humale an mga tawo.

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Mga Talinhaga 28:18

An naglalakaw sa katanosan makakaligtas, alagad matutumba an may bikong pamumuhay.

Mga Talinhaga 28:28

Minatago an mga tawo kun an kapangyarihan nasa kamot kan mga maraot, alagad pagbagsak ninda, maghahade giraray an mga matanos na tawo.

Mga Talinhaga 6:15

Huli kaini, biglang maabot saiya an kapahamakan, asin an lugad na makukua niya dai nanggad mabobolong.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Habakkuk 2:7

Alagad bago kamo makaaram, kamo na nagsakop sa iba makakalubong man sa utang asin pipiriton na magbayad sagkod kan tubo. Maabot an mga kaiwal nindo asin tatakigan man kamo. Dangan sasamsaman ninda kamo!

Juan 13:18

“Bakong kamo gabos an sinasambit ko; midbid ko an mga pinili ko. Alagad kaipuhan maotob an nasasabi sa kasuratan, ‘Ipinasaluib ako kan tawong kahiras ko kan tinapay ko.’

Juan 13:26

Nagsimbag si Jesus, “An tawan ko kan idodotdot kong tinapay, iyo siya.” Dangan nagkua siya nin tinapay, idinotdot ini saka itinao ki Judas na aki ni Simon Iscariote.

Mga Gibo 1:18

An bayad sa saiyang pagpasaluib ibinakal ni Judas nin oma, saen naghugot siya; puminutok an saiyang tulak asin nawawa an saiyang bituka.

Mga Gibo 1:25

na masalihid sa paglingkod na ini asin sa pagkaapostol na binayaan ni Judas tanganing magduman sa lugar na angay saiya.”

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.

1 Samuel 2:34

Sa oras na magadan sa parehong aldaw an mga aki mong lalaki na si Hofni saka si Finehas, iyan an tanda para saimo na magkakatotoo an gabos na itinaram ko.