Mga Talinhaga 28:8 - Marahay na Bareta Biblia

⁸ Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Mga Talinhaga 28:8 ပူးပေါင်းရင်းမြစ်များ

2 Samuel 12:6

Huli sa karatan na ginibo niya asin huli ta dai siya naherak, kaipuhan na bayadan niya nin apat na beses an halaga kan saiyang kinua.”

Salmo 72:13

Naheherakan niya an maluya asin an dukha; saiyang iliniligtas an buhay kan mga nangangaipo.

Exodo 22:25

“Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 19:7

An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Ezekiel 18:13

dangan nagpapautang na may patubo. Mabubuhay daw siya? Dai nanggad! Ginibo niya an makauuyam na mga bagay na ini, kaya magagadan siya. Siya an babasolon sa sadiri niyang kagadanan.

Ezekiel 18:17

Nagsasayuma siyang maggibo nin maraot asin dai nagpapautang na may patubo. Sinusunod niya an sakong mga togon asin kinukuyog an sakong mga pagboot. Dai siya magagadan huli kan kasalan kan saiyang ama, kundi totoong mabubuhay.

Ezekiel 18:8

Dai siya nagpapautang na may patubo. Minasayuma siya sa paggibo nin maraot asin nagtatao siya nin matanos na sentensya sa anoman na kaso.

Levitico 25:36

Dai kamo maghagad nin tubo kun siya mag-utang, kundi matakot kamo sa Dios tanganing an kapwa nindo Israelita padagos na mamuhay harani saindo.