Mga Talinhaga 28:5 - Marahay na Bareta Biblia

⁵ Dai nasasabotan kan mga maraot an kahulogan kan hustisya, alagad nasasabotan ini nin marahay kan mga tawong nagsasamba sa Kagurangnan.

Mga Talinhaga 28:5 ပူးပေါင်းရင်းမြစ်များ

Salmo 119:100

Orog akong nakakasabot ki sa mga gurang, huli ta kinukuyog ko an saimong mga kabotan.

Salmo 119:98

Pinapangagin akong mas madonong kan saimong mga togon ki sa mga kaiwal ko, huli ta iyan danay na kaibahan ko.

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Salmo 92:6

An sarong mangmang dai kaini makakasabot; an sarong patal dai man kaini makakasabot,

Mga Talinhaga 15:24

An dalan kan madonong patukad sa buhay, tanganing malikayan niya an kagadanan na nasa ibaba.

Mga Talinhaga 2:9

Kun maghinanyog ka sako, maaaraman mo kun ano an tama, matanos, saka dai nagpapalaen sa kapwa. Maaaraman mo kun ano an saimong gigibohon.

Mga Talinhaga 24:7

An hararom na kasabihan dai masasabotan kan mangmang. Mayo siya nin ikakataram kun igwa nin mahalagang pag-orolay.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Isaias 6:9

Nagsabi siya, “Lakaw, asin sabihan mo kaining mensahe an mga tawo: ‘Magdangog kamong maigot asin dai kamo makakasabot; maghiling kamong marahay, asin dai kamo makakamidbid.’

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.