Mga Talinhaga 28:16 - Marahay na Bareta Biblia

¹⁶ Magigin makuri an pamayo na mayo nin toltol na kaisipan. An naoongis sa pandadaya maghahaloy sa pamamahala.

Mga Talinhaga 28:16 ပူးပေါင်းရင်းမြစ်များ

1 Mga Hade 12:10

Nagsimbag sinda, “Iyo ini an isabi mo sainda: ‘An sakong gigis mas mahibog ki sa habayan kan sakong ama!

1 Mga Hade 12:14

Siring kan hatol kan mga hoben na lalaki, nagsabi siya, “Binugtakan kamo kan sakong ama nin magabat na pasanon; orog ko ining pagagabaton. Naggamit siya saindo nin badas; gagamiton ko saindo an pamakol na may tonok!”

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Mga Talinhaga 15:27

An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Parahulit 10:16

Herak man sa sarong nasyon kun an naghahade diyan sarong hoben, asin an mga lider diyan nagpapaaga sa pagbangkete!

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!