Mga Talinhaga 28:14 - Marahay na Bareta Biblia

¹⁴ Paladan an tawong danay na may pagkatakot sa Kagurangnan, alagad mapapahamak an matagas an payo.

Mga Talinhaga 28:14 ပူးပေါင်းရင်းမြစ်များ

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 112:1

Omawon an Kagurangnan! Paladan an tawong may pagkatakot sa Kagurangnan, na naoogma sa pagkuyog kan saiyang mga kabotan.

Salmo 16:8

An Kagurangnan namamatean kong danay na harani sako; harani siya, asin mayo nin makakatanyog sako.

Salmo 2:11

Maglingkod kamo na may pagkatakot sa Kagurangnan;

Salmo 95:8

“Hare pagpatagasa an saindong mga puso, siring duman sa Meriba, siring kan aldaw sa Massa duman sa kalangtadan,

Exodo 14:23

Linamag sinda kan mga nakakabayo asin mga nakakarwaheng Egipcio sagkod sa tahaw kan dagat.

Exodo 7:22

Alagad sa paagi kan saindang tagong kadonongan ginibo man kan mga salamangkero kan hade an ginibo ni Aaron kaya orog na nagmatagas an hade saka habong magdangog ki Moises asin ki Aaron sosog sa itinaram nin Kagurangnan.

Exodo 7:23

Binayaan niya sinda dangan nagpuli sa saiyang palasyo na garo mayong nangyari.

Mga Talinhaga 23:17

Dai ka maori sa mga parakasala, kundi matakot ka sa Kagurangnan sagkod na ika nabubuhay.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Roma 11:20

Totoo iyan. Pinutol sinda huli ta dai sinda nagtubod, mantang ika isinugpon dahel ta nagtubod ka. Alagad dai ka magpaabaw-abaw, kundi matakot ka.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.