Mga Talinhaga 28:11 - Marahay na Bareta Biblia

¹¹ Naghohona an mayaman na siya madonong, alagad mamimidbidan an tunay niyang pagkatawo kan dukhang may pakasabot.

Mga Talinhaga 28:11 ပူးပေါင်းရင်းမြစ်များ

An Libro ni Job 32:9

Bakong an mga gurang an mga madonong, ni an mga may edad an nakakasabot kun ano an matanos.

Mga Talinhaga 18:11

Alagad naghohona an tawong mayaman na an kayamanan niya an mag-iingat saiya, arog kan halangkaw asin makosog na mga kudal sa palibot nin syudad.

Mga Talinhaga 18:17

An enot na magtaram sa atubang kan korte hinohona na tama sagkod na dai pa siya hinahapot kan saiyang kalaban.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Mga Talinhaga 23:4

Dai mo paggadanon an saimong sadiri sa pagpayaman; magin madonong ka tanganing malikayan mo iyan.

Mga Talinhaga 26:12

Igwa pa nin paglaom an sarong lolong ki sa tawong naghohona na siya madonong.

Mga Talinhaga 26:16

An paghona kan hugakon mas madonong siya ki sa pitong tawo na tataong magsimbag.

Mga Talinhaga 26:5

Simbagon mo an lolong sosog sa saiyang kalolongan, asin maiisip niyang bako siyang madonong arog kan paghona niya.

Mga Talinhaga 3:7

Dai mo ipaghambog an saimong kadonongan; matakot ka sa Kagurangnan, asin likayan mo an karatan.

Isaias 5:21

Herak man sa mga naghohona na sinda madonong asin mga tuso nin marahay!

Roma 11:25

Mga tugang, sasabihon ko saindo an sarong misteryo tanganing dai kamo mag-isip na anong dodonong nindo: an katagasan kan payo kan banwaan nin Israel dai magdadanay. Sagkod sana iyan sa oras na magdolok sa Dios an tamang bilang kan mga pagano.

Roma 12:16

Pareho nindong pagmakulogan an gabos. Dai kamo magpaabaw-abaw, kundi makiiba kamo sa mga daing sukat. Dai kamo mag-isip na kamo mga madonong.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.