Mga Talinhaga 28:10 - Marahay na Bareta Biblia

¹⁰ An magdagka sa matanos na maggibo nin maraot mahuhulog sa sadiri niyang kalot. Alagad an mga mayong kasalan magmamana nin mga marahay na bagay.

Mga Talinhaga 28:10 ပူးပေါင်းရင်းမြစ်များ

Salmo 139:24

Hilinga kun igwa nin karatan, asin daraha ako sa dalan na daing kasagkoran.

Salmo 37:11

alagad an daga masasadirihan kan mahuyo; mamumuhay siya sa kauswagan asin katoninongan.

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Mga Talinhaga 10:3

Dai pinapabayaan nin Kagurangnan na magutom an mga matanos, alagad an kamawotan kan mga tawong maraot dai niya itinutugot na mangyari.

Mga Talinhaga 15:6

Sinasaray kan matanos an saindang kayamanan, alagad an kayamanan kan tampalasan nauubos sa panahon nin kasakitan.

Mga Talinhaga 2:21

Huli ta an mga matanos iyo an mag-eerok sa dagang ini asin an mga tawong mayo nin digta an mabubuhay diyan.

Mga Talinhaga 21:20

Nagdadanay an mahalagang kayamanan sa laog kan harong kan madonong, alagad madali sanang mawara an kwarta kan lolong.

Mga Talinhaga 26:27

An nagbubugtak nin siod para sa iba iyo man sana an madadakop kaiyan. An nagpapaligid nin gapo iyo man sana an matatamaan kaiyan.

Mga Talinhaga 28:18

An naglalakaw sa katanosan makakaligtas, alagad matutumba an may bikong pamumuhay.

Parahulit 10:8

Kun magkalot ka nin bubon, mahuhulog ka diyan; kun maglusot ka sa sarong kudal, pwedeng makagat ka nin halas.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Galacia 2:4

maski boot siyang serkomsisyonon kan nagkapirang lalaking nagsagin-sagin na mga tugang na nag-ayon sa grupo. An mga tawong ini nakalaog bilang mga espiya, sa pagsiyasat dapit kan katalingkasan na nasa sato sa paagi kan pakisumaro ta ki Cristo Jesus. Boot ninda kitang gibohon na mga oripon.

Hebreyo 6:12

Habo mi kamong magin hugakon, kundi arogon nindo idtong mga nagmamana kan mga ipinanuga nin Dios huli ta sinda nagtutubod asin mga matinios.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.