Mga Talinhaga 28:1 - Marahay na Bareta Biblia

¹ Nagdudulag an tampalasan maski mayong naglalamag, alagad an matanos maisog arog sa leon.

Mga Talinhaga 28:1 ပူးပေါင်းရင်းမြစ်များ

1 Mga Hade 1:49

Dangan tarakot na nagtirindog an gabos na bisita ni Adonias asin saro-sarong nagharale.

2 Mga Hade 7:15

Naghale sinda asin nakaabot sagkod sa Jordan; nahiling ninda na an dalan pano nin mga gubing asin kagamitan na itinarapok kan mga Siro sa saindang kasibotan. Nagbalik an mga sinugo asin inosip ini sa hade.

Nehemias 6:11

Nagsimbag ako, “Bako ako an tawong basta na sanang minadulag asin minatago. Dai ako malaog sa Templo tanganing iligtas sana an sakong buhay.”

An Libro ni Job 15:21

Makangirhat na mga tingog an saiyang madadangog; masalakay an mga tulisan sa oras na iniisip niyang ligtas.

Salmo 112:7

Dai siya natatakot sa maraot na bareta; makosog an saiyang pagtubod asin nagsasarig siya sa Kagurangnan.

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Salmo 53:6

Gumikan logod sa Sion an kaligtasan nin Israel! Kun ibalik na nin Dios an kayamanan nin saiyang banwaan, mag-oogma si Jacob, mag-oogma si Israel.

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Mga Talinhaga 10:9

An naglalakaw sa katanosan naglalakaw na matiwasay, alagad madadakop an may bikong pamumuhay.

Mga Talinhaga 27:27

Magkakaigwa ka asin an saimong pamilya saka mga sorogoon nin dakul na gatas hale sa natatadang mga kanding.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Mga Gibo 14:3

Haloy na nag-ontok duman si Pablo saka si Bernabe. Nagtaram sindang daing takot dapit sa Kagurangnan, asin pinatotoohan man kan Kagurangnan an itinaram ninda dapit sa biyaya nin Dios, huli sa pagtao sainda nin kapangyarihan sa paggibo nin mga milagro saka mga ngangalasan.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 28:7

“Dadaogon nin Kagurangnan an saindong mga kaiwal na masalakay saindo. Masalakay sinda saindo hale sa sarong direksyon, alagad madulag sinda pasiring sa gabos na direksyon.

1 Tesalonica 2:2

Aram nindo na pinasakitan kami saka pinagtuya-tuya sa Filipos bago kami nakaabot saindo. Alagad pinakosog nin Dios an samong boot nganing ipahayag mi saindo an Marahay na Bareta hale saiya, maski kadakul an pag-olang.