Mga Talinhaga 27:25 - Marahay na Bareta Biblia

²⁵ Putola an mga dagami saka mga doot sa kabubuldan mantang nagtatalubo an dagaming sunod na puputolon.

Mga Talinhaga 27:25 ပူးပေါင်းရင်းမြစ်များ

Salmo 104:14

An doot pinapatalubo mo para sa mga baka, an tinanom para sa mga kaipuhan nin tawo, nganing magkaigwa siya nin kakanon hale sa daga,

Salmo 147:8

An langit tinatahoban niya nin mga panganoron, inaandam niya an uran para sa daga, pinapatalubo niya an mga doot sa kabubuldan.

Mga Talinhaga 10:5

An tawong nagtitipon kun tig-init igwa nin marahay na kaisipan, alagad an pagkatorog sa panahon nin tig-anihan, sarong kasosopgan.

Mga Talinhaga 27:26

Makakagibo ka nin gubing hale sa balukag kan saimong mga karnero asin makakabakal ka nin daga hale sa kwartang kabaklan kan nagkapira mong kanding.

Isaias 17:5

An Israel makakaarog sa sarong oma na bago pa sanang anihon an mga trigo, siring sa sarong oma sa Kapantayan nin Refaim pakatapos na anihan iyan.

Jeremias 40:10

Mag-eerok ako digdi sa Mizpa tanganing magrepresentar para saindo kun magdigdi an mga taga Babilonia. Pwede kamong magtipon saka magsaray nin arak, mga bunga nin kahoy, saka lana nin oliba. Mag-eerok kamo sa mga baryo na saindong mapili.”

Jeremias 40:12

Kaya naghale sinda sa mga lugar na pinagwarakan sainda, saka nagbalik sa Juda. Nagduman sinda ki Gedalias sa Mizpa, asin nagtiripon sinda nin dakul na arak saka mga bunga nin kahoy.