Mga Talinhaga 27:18 - Marahay na Bareta Biblia

¹⁸ An nag-aataman nin higera magkakakan kan bunga kaiyan, asin an oripon na nagbabantay kan saiyang kagurangnan oomawon.

Mga Talinhaga 27:18 ပူးပေါင်းရင်းမြစ်များ

2 Mga Hade 18:31

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy, patin mag-inom nin tubig hale sa sadiri nindong bubon

2 Mga Hade 3:11

Naghapot si Hadeng Jehosafat, “Mayo digdi nin propeta na pwedeng makihumapot sa Kagurangnan para sato?” Sarong opisyal kan hukbo ni Hadeng Joram an nagsimbag, “Yaon digdi si Eliseo na aking lalaki ni Safat. Dati siyang katabang ni Elias.”

2 Mga Hade 5:25

Naglaog giraray siya sa harong asin nagtindog sa atubangan ni Eliseo. Hinapot ni Eliseo si Gehazi, “Saen ka hale, Gehazi?” “Dai man ako naghale,” an simbag niya.

2 Mga Hade 5:27

Kaya an helang ni Naaman mapapasaimo asin sa saimong mga kapagarakian sagkod pa man!” Kan maghale si Gehazi, igwa na siya kan helang ni Naaman—an saiyang kublit nagin maputi siring sa ambon.

Esther 6:11

Kaya kinua ni Haman an gubing saka an kabayo. Sinanglean niya si Mardokeo, pinalunad sa kabayo, dangan ilinibot sa plasa kan syudad mantang nagpapahayag nin siring: “Hilinga nindo kun paano binabalosan kan hade an tawong nawiwilihan niyang omawon!”

Salmo 123:2

Siring na an sorogoon naghihiling sa saiyang kagurangnan, siring na an babaeng sorogoon naghihiling sa saiyang babaeng kagurangnan, kami man naghihiling saimo, Kagurangnan nyamong Dios, sagkod na maherak ka sa samo.

Exodo 24:13

Kaya nag-andam si Moises saka si Josue na saiyang katabang dangan nagpoon si Moises sa pagtukad sa bukid nin Dios.

Mga Talinhaga 17:2

An tusong sorogoon pwedeng masakop an mayong pakinabang na aki kan saiyang amo asin mahirasan kan pamana bilang saro sa magturugang.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Mga Talinhaga 27:17

Lansang an minapatarom sa lansang, asin tawo an minapatarom sa isip kan kapwa niya tawo.

Mga Talinhaga 27:19

Sadiri mong lalawogon an mahihiling mong nalaladawan sa tubig asin an tunay mong pagkatawo an mahihiling mo sa saimong puso.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Isaias 36:16

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy patin mag-inom nin tubig hale sa sadiri nindang bubon

Mateo 24:25

Magdangog kamo! Sinasabi ko ini saindo bago mangyari.

Mateo 24:46

Paladan an siring na sorogoon na pagpuli kan saiyang kagurangnan, maabotan siyang nag-ootob kan trabahong itinao saiya.

Markos 10:43

Alagad bakong arog kaini an dapat mangyari saindo. An siisay man saindo na boot magin dakula, dapat magin sorogoon nindo;

Lukas 12:37

Paladan an mga sorogoon na maabotan kan saindang kagurangnan na bakong torog! Sa katotoohan sinasabihan ko kamo, maandam an kagurangnan nin kakanon, papatukawon sinda saka paglilingkodan.

Lukas 12:42

Nagsimbag an Kagurangnan, “Siisay an maimbod saka madonong na sorogoon? Siya idtong ibubugtak kan saiyang kagurangnan na mamahala kan ibang mga sorogoon, asin marasyon sainda nin kakanon sa oras nin pagkakan.

Lukas 19:17

Sinabihan niya an sorogoon, ‘Tama an ginibo mo, marahay na sorogoon! Huli ta maimbod ka sa mga sadit na bagay, gigibohon takang kagsakop nin sampolong syudad.’

Juan 12:26

An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Mga Gibo 10:7

Pakahale kan anghel, inapod ni Cornelio an duwa niyang sorogoon saka an sarong maki-Dios na soldados na kabilang sa mga naglilingkod saiya.

1 Corinto 3:8

Mayong kalaenan an tawong nagtatanom saka an tawong nagbabaribi; babalosan nin Dios an lambang saro sainda sosog sa ginibo niya.

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.

1 Corinto 9:7

Siisay an soldados na iyo mismo an nagbabayad kan sadiri niyang gasto sa hukbo? Siisay an paratanom na dai nagkakakan kan ubas sa sadiri niyang ubasan? Siisay an pastor na dai nagkikinabang kan gatas na hale sa sadiri niyang karnero?

Colosas 3:22

Mga oripon, magkuyog kamo sa saindong mga kagurangnan sa kinaban na ini sa gabos na bagay, bako sana kun pinagbabantayan kamo ninda nganing maoyonan kamo, kundi gibohon nindo iyan nin tudok sa puso huli sa pagkatakot nindo sa Kagurangnan.

2 Timoteo 2:6

An paraomang nagtatrabaho nin maigot dapat iyo an enot na mag-ako kan kahirasan sa inani.

1 Pedro 2:18

Mga sorogoon, kuyogon nindo asin galangan an saindong mga kagurangnan, bako sana an mga maboot saka mga mahuyo, kundi man an mga makuri.

1 Pedro 2:21

Para sa bagay na ini inapod kamo nin Dios, huli ta si Cristo nagtios man dahel saindo saka nagwalat nin arogan na dapat nindong arogon.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.