Mga Talinhaga 27:12 - Marahay na Bareta Biblia

¹² Minatago an madonong kun may nahihiling na pag-alaman, alagad dai minalikay an mangmang asin pinagdudusahan niya iyan.

Mga Talinhaga 27:12 ပူးပေါင်းရင်းမြစ်များ

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Mga Talinhaga 27:11

Magin madonong ka, aki ko, tanganing mag-ogma an sakong puso asin magkaigwa ako nin isisimbag sa mag-oolog-olog sako.

Mga Talinhaga 27:13

An tawong nanunuga para sa utang nin iba dapat na kuahan nin rogaring bilang garantiya.

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.