Mga Talinhaga 27:10 - Marahay na Bareta Biblia

¹⁰ Dai mo paglingawan an saimong mga katood, ni an mga katood kan saimong ama. Kun igwa ka nin problema, dai ka magpatabang sa saimong tugang. Orog na matatabangan ka kan katood na nasa harani ki sa tugang na nasa harayo.

Mga Talinhaga 27:10 ပူးပေါင်းရင်းမြစ်များ

2 Samuel 19:24

Naglugsot si Mefiboset na makoapo ni Saul tanganing sabaton an hade. Dai niya hinugasan an saiyang bitis, ni pinutolan an saiyang barabas o linabahan an saiyang gubing magpoon kan maghale an hade sa Jerusalem sagkod na magbalik ini na mapanggana.

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

2 Samuel 21:7

Alagad huli kan banal na panuga na ginibo ninda ni Jonatan sa lambang saro, ilinigtas ni David an aki ni Jonatan na si Mefiboset, na makoapo ni Saul.

2 Mga Cronica 24:22

Nalingawan kan hade an karahayan na ipinahiling saiya ni Jehoiada na ama ni Zacarias, asin ipinagadan niya ini. Kan naghihingagdan na si Zacarias, nagkurahaw siya, “Mahiling logod nin Kagurangnan an saimong ginigibo asin padusahan ka!”

Mga Talinhaga 17:17

An katood namomoot sa gabos na panahon, asin tugang siyang minadamay sa oras nin kasakitan.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Mga Talinhaga 19:7

An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Mga Gibo 23:12

Pagkaaga, nagtiripon an nagkapirang mga Judio asin nagkaoroyon sinda na gadanon si Pablo. Nagsumpa sinda na dai makakan o mainom nin anoman sagkod na magadan ninda si Pablo.

Deuteronomio 22:1

“Kun mahiling nindo na nakabutas an baka o karnero kan saindong kapwa Israelita, dai kamo magpabaya; dakopon nindo an hayop asin ipuli saiya.