Mga Talinhaga 26:4 - Marahay na Bareta Biblia

⁴ Dai ka magsimbag sa lolong sosog sa saiyang kalolongan ta tibaad magin siring ka man saiya.

Mga Talinhaga 26:4 ပူးပေါင်းရင်းမြစ်များ

1 Mga Hade 12:14

Siring kan hatol kan mga hoben na lalaki, nagsabi siya, “Binugtakan kamo kan sakong ama nin magabat na pasanon; orog ko ining pagagabaton. Naggamit siya saindo nin badas; gagamiton ko saindo an pamakol na may tonok!”

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 23:9

Dai ka makipag-olay sa lolong manongod sa kadonongan; dai niya iyan masasabotan.

Mga Talinhaga 26:5

Simbagon mo an lolong sosog sa saiyang kalolongan, asin maiisip niyang bako siyang madonong arog kan paghona niya.

Mga Talinhaga 29:9

Kun an madonong makipagdiskutiran sa sarong lolong, pagngingisihan sana siya kaini asin pag-oolog-ologon.

Isaias 36:21

Alagad nag-alo sana an mga tawo siring sa ipinagboot sainda ni Hadeng Ezekias; ni sarong tataramon dai sinda nagsimbag.

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

Judas 1:9

Maski si Miguel na Arkanghel dai nangahas na hatolan an Diablo kan nakikiiwal siya digdi dapit sa bangkay ni Moises, kundi nagsabi sana siya, “Sagweon ka logod kan Kagurangnan!”