Mga Talinhaga 26:3 - Marahay na Bareta Biblia

³ An latigo para sa kabayo, an busal para sa asno, asin an pamakol para sa lolong na tawo.

Mga Talinhaga 26:3 ပူးပေါင်းရင်းမြစ်များ

Salmo 32:9

Dai mo pag-arogon an sarong kabayo o sarong mula, na mayo nin pakasabot, na kaipuhan bugtakan nin busal saka renda tanganing magsunod.”

Mga Talinhaga 10:13

Sa mga ngabil kan may pakasabot manunumpongan an kadonongan, alagad pamakol an dapat sa likod kan tawong mayo nin toltol na kaisipan.

Mga Talinhaga 17:10

An sarong pagsagwe orog na minatadom sa sarong madonong ki sa sanggatos na hampak sa sarong lolong.

Mga Talinhaga 19:25

Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

1 Corinto 4:21

Arin an boot nindo: magdiyan akong dara an pamakol o an espiritu nin pagkamoot asin nin kahoyoan?

2 Corinto 10:6

Kun ikapahiling na nindo an saindong pagkuyog, andam kami na padusahan an anoman na dai pagkuyog.

2 Corinto 13:2

Kan ikaduwa kong pagdalaw saindo, pinatanidan ko an mga nagkasala kaidto asin an iba man. Ngunyan na mayo ako diyan, pinapatanidan ko giraray sinda: sa sunod kong pagdiyan, mayo nang makakaligtas sa padusa.