Mga Talinhaga 26:25 - Marahay na Bareta Biblia

²⁵ Marahay iyan pagdangogon alagad dai ka magtubod saiya, huli ta an puso niya pano nin kaanggotan.

Mga Talinhaga 26:25 ပူးပေါင်းရင်းမြစ်များ

Nehemias 6:2

Kaya nagpadara sako nin mensahe si Sanballat saka si Gesem na hampangon ko sinda sa saro kan mga baryo duman sa Kapantayan nin Ono. Alagad maraot an plano ninda para sako.

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 28:3

Dai mo ako pagpadusahan kaiba kan tampalasan, kaiba kan mga paragibo nin karatan, na katoninongan sa kapwa an nasa ngoso, alagad karatan an yaon sa saindang puso.

Mga Talinhaga 23:7

Aalokon ka niyang magkakan, alagad bako iyan tudok sa boot niya. Kun ano siya iyo man an nasa saiyang isip.

Mga Talinhaga 26:23

An magayon na pagtaram na nagtatahob nin madayang puso garo makintab na pintura sa baratong tapayan.

Jeremias 12:6

Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Mateo 24:23

“Kaya kun may magtaram saindo, ‘Hilinga nindo, uya an Cristo!’ o ‘Idtoon siya!’—dai kamo magtubod kaiyan.

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)