Mga Talinhaga 26:2 - Marahay na Bareta Biblia

² An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Mga Talinhaga 26:2 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

2 Samuel 16:8

Kinua mo an kahadean ni Saul, kaya pinapadusahan ka ngunyan nin Kagurangnan huli ta kadakul sa pamilya ni Saul an saimong ginadan. Itinao na nin Kagurangnan an kahadean sa aki mong si Absalom, asin mayo ka na, ika na paragadan!”

Nehemias 13:2

huli ta an mga taga Ammon saka mga taga Moab dai nagtao nin pagkakan asin tubig sa mga Israelita pakahale kaini sa Egipto. Embes kaiyan, binayadan ninda si Balaam tanganing maldisyonon an mga Israelita. Alagad an maldisyon na ini ginibo nin Dios na sarong bendisyon.

Salmo 109:28

Maldisyonon man ninda ako, alagad ako bebendisyonan mo. Mapasopog logod an mga nang-aapi sako; asin mag-ogma logod an sorogoon mo.

Mga Talinhaga 27:8

An tawong harayo sa saiyang harong arog sa gamgam na harayo sa saiyang salagan.

Isaias 16:2

Yaon sinda sa pangpang kan Salog nin Arnon asin mayo sindang aram na dudumanan, siring sa mga gamgam na pinahale sa saindang salagan.

Mga Bilang 23:8

Paano ko mamaldisyonon an dai minaldisyon nin Dios? Paano ko isisikwal an dai isinikwal nin Dios?

1 Samuel 17:43

Nagsabi si Goliat ki David, “Ano ako, ayam, kun kaya nagdigdi ka na may darang pamakol?” Dangan pinagmaldisyon niya si David sa ngaran kan saiyang mga dios-dios.