Mga Talinhaga 25:18 - Marahay na Bareta Biblia

¹⁸ Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Mga Talinhaga 25:18 ပူးပေါင်းရင်းမြစ်များ

Salmo 140:3

Matarom an saindang dila siring kan sa halas; marara an saindang tataramon siring sa kamandag kan kobra.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Exodo 20:16

“Dai kamo magsaksi nin putik laban sa saindong kapwa.

Mga Talinhaga 12:18

An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 24:28

Dai ka magsaksi laban sa saimong kapwa na mayo nin dahelan, ni magsabi nin kaputikan manongod saiya.

Mga Talinhaga 25:17

Dai mo pag-aroaldawon an pagdalaw sa saimong kanatad huli ta tibaad mauyam siya saimo.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.