Mga Talinhaga 25:12 - Marahay na Bareta Biblia

¹² An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 25:12 ပူးပေါင်းရင်းမြစ်များ

2 Samuel 1:24

“Tangisan nindo si Saul, kababaehan nin Israel, na guminubing saindo nin magayon na pulang mga gubing, na nagsamno saindo nin mga alahas saka bulawan.

An Libro ni Job 28:17

An kadonongan mas mahalaga ki sa bulawan, ki sa bulawan na plorera o sa pinakamarahay na salming.

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Exodo 32:2

Sinabihan sinda ni Aaron, “Tanggalon nindo an mga hikaw na bulawan sa talinga kan saindong mga agom saka mga aki dangan darahon nindo sako.”

Exodo 35:22

An gabos na boot magdolot, lalaki man o babae, nagdarara nin mga magayon na alpiler, hikaw, singsing, pulseras asin iba pang mga alahas na bulawan dangan idinolot ninda ini gabos sa Kagurangnan.

Mga Talinhaga 15:5

An tawong minasikwal kan katukdoan kan saiyang ama sarong lolong, alagad an minaako nin pagsagwe sarong madonong.

Mga Talinhaga 20:12

Parehong ginibo nin Kagurangnan an talingang nakakadangog saka an matang nakakahiling.

Mga Talinhaga 9:8

Dai mo pagsawayon an paratuyatuya huli ta maoongis siya saimo. Sagweon mo an tawong madonong, asin mamomoot siya saimo;

Parahulit 7:5

Mas marahay para sa sarong tawo na sagweon siya nin sarong madonong ki sa omawon siya nin mga lolong.

Ezekiel 16:12

Binugtakan ko nin hikaw an saimong dungo asin mga talinga, asin kinoronahan taka.

Mateo 12:35

An marahay na tawo, marahay man an gibo huli ta pano nin karahayan an saiyang puso; an maraot na tawo, maraot man an gibo huli ta pano nin karatan an saiyang puso.