Mga Talinhaga 24:9 - Marahay na Bareta Biblia

⁹ Makasalan an ano man na plano na isipon kan lolong. Ikinakaongis nin mga tawo an nag-oolog-olog sa kapwa.

Mga Talinhaga 24:9 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Salmo 119:113

Naoongis ako sa mga tawong bakong maimbod saimo, alagad an saimong katogonan namomotan ko.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 22:10

Palayasa an mahambog, asin mahahale man an diriskutiran, iriwal, sagkod an baransagan.

Mga Talinhaga 23:7

Aalokon ka niyang magkakan, alagad bako iyan tudok sa boot niya. Kun ano siya iyo man an nasa saiyang isip.

Mga Talinhaga 24:8

An danay na nag-iisip nin maraot aapodon na paraparibok.

Mga Talinhaga 29:8

An mapaabaw-abaw minaparibok kan bilog na banwaan, alagad pinapara kan mga madonong an kaanggotan.

Mga Talinhaga 9:7

An nagsasaway sa paratuyatuya, maani nin pagtuyatuya; an minasagwe sa maraot na tawo makakakua nin kulog nin hawak.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Mateo 5:28

Alagad ngunyan sinasabihan ko kamo: an maghiling sa sarong babae na may pagmawot na dorogan siya, nagkakasala na nin panambay.

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Mga Gibo 8:22

Kaya magsolsol ka kan maraot na plano mong iyan; mamibi ka sa Kagurangnan na patawadon ka niya kan kamawotan nin saimong puso.

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.