Mga Talinhaga 24:5 - Marahay na Bareta Biblia

⁵ Mas marahay an madonong ki sa makosog; totoong mas mahalaga an pakaaram ki sa kosog.

Mga Talinhaga 24:5 ပူးပေါင်းရင်းမြစ်များ

Salmo 84:7

Mantang naglalakaw, orog na minakosog sinda; mahihiling ninda an Dios nin mga dios sa Sion.

Mga Talinhaga 10:29

Iniingatan nin Kagurangnan an mga matanos, alagad ginagadan niya an mga naggigibo nin karatan.

Mga Talinhaga 21:22

Masasakop kan madonong na heneral an syudad na may makokosog na bantay, asin magagaba niya an mga kudal na saindang sinasarigan.

Mga Talinhaga 24:6

Huli ta kaipuhan mo an maingat na pagplano bago ka makigera, asin huli sa dakul na marahay na hatol, orog an paglaom mo na ika manggagana.

Mga Talinhaga 8:14

Minaplano ako saka ginigibo ko iyan. Igwa ako nin pakasabot asin kosog.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Isaias 36:5

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrerebelde siya sa emperador nin Asiria?

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Colosas 1:11

Mapakosog man logod kamo kan gabos na kakosogan hale sa saiyang mamurawayon na kapangyarihan, tanganing matios nindo an gabos na bagay. Maogma kamong magpasalamat sa Ama huli ta pinapagkanigo niya na ibilang kamo sa mga banal na magmamana kan kahadean nin liwanag.