Mga Talinhaga 24:4 - Marahay na Bareta Biblia

⁴ Huli sa pakaaram, an mga kwarto kan harong napapano nin mahahalaga saka magagayon na bagay.

Mga Talinhaga 24:4 ပူးပေါင်းရင်းမြစ်များ

Nehemias 10:39

An gabos na dolot na trigo, arak saka lana nin oliba dadarahon kan banwaan nin Israel asin kan mga Levita, sa mga kwartong sarayan na namumugtakan kan mga kagamitan sa Templo. Digdi nag-eerok an mga padi na naglilingkod sa panahon na iyan, asin an mga bantay saka mga parakanta sa Templo. Dai nyamo papabayaan an Templo nin samuyang Dios.

An Libro ni Job 28:10

Minagibo sinda nin mga agihan sa mga gapo, asin nahihiling kan saindang mga mata an lambang mahalagang bagay.

Mga Talinhaga 15:6

Sinasaray kan matanos an saindang kayamanan, alagad an kayamanan kan tampalasan nauubos sa panahon nin kasakitan.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Mga Talinhaga 21:20

Nagdadanay an mahalagang kayamanan sa laog kan harong kan madonong, alagad madali sanang mawara an kwarta kan lolong.

Mga Talinhaga 24:5

Mas marahay an madonong ki sa makosog; totoong mas mahalaga an pakaaram ki sa kosog.

Mga Talinhaga 8:18

Yaon sako an kayamanan asin an kaomawan, nagdadanay na kayamanan asin kauswagan.

Mga Talinhaga 8:21

Tinatawan ko nin kayamanan an mga namomoot sako; pinapano ko nin kayamanan an saindang harong.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”