Mga Talinhaga 24:13 - Marahay na Bareta Biblia

¹³ Aki ko, uminom ka nin dugos huli ta marahay iyan. Kun an dugos mahamis sa pagnamit,

Mga Talinhaga 24:13 ပူးပေါင်းရင်းမြစ်များ

Salmo 119:103

Mahamis na gayo an saimong mga katukdoan— orog na mahamis ki sa dugos sa sakong ngoso!

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Mga Talinhaga 16:24

An marahay na mga tataramon nakakaagid sa dugos—mahamis sa pagnamit asin marahay sa hawak.

Mga Talinhaga 25:16

Dai ka magpangana sa pag-inom nin dugos huli ta kun masobrahan ka, isusuka mo iyan.

Mga Talinhaga 25:27

An pag-inom nin dakul na dugos bakong marahay, siring man an paghanap nin sobrang kaomawan.

Mga Talinhaga 27:7

Kun basog an sarong tawo, hinahaboan niya an dugos, alagad kun nagugutom siya maski mapait na kakanon mahamis sa pagnamit niya.

Awit nin mga Awit 4:11

Yaon sa saimong mga ngabil an namit kan dugos, sakong namomotan; para sakuya, gatas asin dugos an saimong dila. Yaon sa saimong gubing an gabos na hamot nin Lebanon.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Isaias 7:15

Pag-abot kan panahon na tatao na siyang magsabot kun ano an maraot asin marahay, mainom an mga tawo nin gatas asin makakan nin dugos.

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.

Hukom 14:9

Kinua niya an dugos asin kinakan mantang naglalakaw siya. Nagduman siya sa saiyang ama saka ina dangan tinawan niya nin dugos asin kuminakan man sinda. Alagad dai niya sinda sinabihan na kinua niya an dugos hale sa bangkay kan leon.

1 Samuel 14:27

Alagad dai nadangog ni Jonatan an saiyang ama kan siya magpatanid, kaya idinuta niya an saiyang sugkod sa dugos asin nagkakan siya. Nagrahay tolos an saiyang pagmate.