Mga Talinhaga 23:7 - Marahay na Bareta Biblia

⁷ Aalokon ka niyang magkakan, alagad bako iyan tudok sa boot niya. Kun ano siya iyo man an nasa saiyang isip.

Mga Talinhaga 23:7 ပူးပေါင်းရင်းမြစ်များ

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Mga Talinhaga 19:22

Kaimbodan an hinahagad sa sarong tawo; mas marahay an sarong dukha ki sa sarong putikon.

Mga Talinhaga 26:23

An magayon na pagtaram na nagtatahob nin madayang puso garo makintab na pintura sa baratong tapayan.

Mga Talinhaga 26:24

An pagkaongis itinatago kan parasagin-sagin sa likod nin magagayon na tataramon.

Mga Talinhaga 26:25

Marahay iyan pagdangogon alagad dai ka magtubod saiya, huli ta an puso niya pano nin kaanggotan.

Daniel 11:27

An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Lukas 7:39

Kan mahiling ini kan Fariseo, nagsaboot siya, “Kun an tawong ini sarong propeta, aram kutana niya kun siisay an babaeng ini na nagduduta saiya, huli ta saro siyang parakasala.”

Hukom 16:15

Kaya nagsabi si Delila saiya, “Paano mong nasasabi na namomoot ka sako mantang dai man sako an puso mo. Tolong beses mo na akong tinuya-tuya asin dai mo pa itinutuga sako kun ano an nakakapakosog saimo.”