Mga Talinhaga 23:5 - Marahay na Bareta Biblia

⁵ Pwedeng bigla sanang mawara an saimong kwarta, na garo nagkaigwa ini nin mga pakpak saka luminayog paharayo arog kan agila.

Mga Talinhaga 23:5 ပူးပေါင်းရင်းမြစ်များ

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

An Libro ni Job 27:19

Mayaman sindang minakatorog, alagad dai na iyan mangyayari giraray; sa saindang pagmata, mayo na an saindang kayamanan.

Salmo 39:6

totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Mga Talinhaga 27:24

huli ta an kayamanan dai nagdadanay. Maski an mga nasyon igwa nin kataposan.

Parahulit 1:2

Mayong halaga an buhay, an sabi kan Parahulit. Mayo nin halaga an gabos na bagay. An buhay mayo nin halaga! Mayo nin halaga an gabos.

Parahulit 12:8

Mayo nin halaga, an sabi kan Parahulit. An gabos mayo nin halaga.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Jeremias 39:12

“Hanapa si Jeremias saka atamana siya. Dai mo siya pagkulogon, kundi sunodon mo an boot niya.”

Mateo 6:19

“Dai kamo magtipon nin kayamanan para saindo digdi sa daga, saen igwa nin bokbok asin takla na nangraraot, saka igwa nin mga parahabon.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.