Mga Talinhaga 23:17 - Marahay na Bareta Biblia

¹⁷ Dai ka maori sa mga parakasala, kundi matakot ka sa Kagurangnan sagkod na ika nabubuhay.

Mga Talinhaga 23:17 ပူးပေါင်းရင်းမြစ်များ

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Mga Talinhaga 15:16

Mas marahay pa an magin dukha na may pagkatakot sa Kagurangnan ki sa magin mayaman na pano nin kahandalan.

Mga Talinhaga 24:1

Dai ka maori sa mga tawong maraot, ni maghingowa na magin katood sinda.

Mga Talinhaga 24:19

Dai ka mahandal huli kan mga tawong naggigibo nin karatan; dai ka maori sa sainda.

Mga Talinhaga 24:21

Aki ko, matakot ka sa Kagurangnan saka omawon mo an hade. Dai ka mag-ayon sa mga tawong nagtutumang sainda;

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Mga Talinhaga 3:31

Dai ka maori sa madahas na tawo o mag-isip na arogon an saiyang gibo.

Parahulit 5:6

Hare pagtugot na an saimong mga tataramon iyo an magdara saimo sa kasalan, tanganing dai ka magsabi sa sugo nin Dios na dai mo man idto tinutuyo. Tano ta papaanggoton mo an Dios asin ipaparaot mo saiya an saimong pinagpagalan?

Parahulit 5:7

Maski gurano kadakul kan saimong pangatorogan asin kan saimong mga tataramon, kaipuhan galangan mo an Dios.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.