Mga Talinhaga 23:10 - Marahay na Bareta Biblia

¹⁰ Dai mo nanggad paghiroon an suanoy na muhon na haloy nang ibinugtak, o pagsakopon an daga kan mga ilo.

Mga Talinhaga 23:10 ပူးပေါင်းရင်းမြစ်များ

An Libro ni Job 22:9

Isinubol mong mayo nin dara an mga babaeng balo, asin hinabonan saka inapi mo an mga ilo.

An Libro ni Job 24:9

“May mga tawong minaagaw kan mga ilo sa ama sa daghan kan saindang ina; kinukua ninda bilang kabayadan nin utang an mga aki kan mga mayong sukat.

An Libro ni Job 6:27

Riniripahan pa nindo an mga oripon na ilo asin nagpapayaman kamo huli sa saindong mga katood!

Salmo 94:6

Ginagadan ninda an mga balo asin an mga ilo; ginagadan ninda an mga dayuhan na nag-eerok sa samong daga.

Exodo 22:22

Dai nindo pagpasakitan an mga babaeng balo o an mga ilo.

Mga Talinhaga 15:25

Rinaraot nin Kagurangnan an mga harong kan mapaabaw-abaw, alagad iniingatan niya an mga pagsadiri kan babaeng balo.

Mga Talinhaga 22:28

Dai mo paghiroon an suanoy na muhon na ibinugtak kan saimong mga ginikanan.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 7:5

“Bagohon na nindo an saindong gawe saka pamumuhay. Magin matanos kamo sa pagtratar sa lambang saro.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 19:14

“Sa daga na itatao saindo nin Kagurangnan na saindong Dios, dai nindo paghiroon an mga muhon kan saindong kanatad, muhon na ibinugtak kaidto pang panahon.

Deuteronomio 27:17

“‘Maldisyonon an siisay man na maghiro kan muhon sa daga kan saiyang kataed.’ “Dangan an bilog na banwaan masimbag, ‘Amen!’

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.