Mga Talinhaga 22:9 - Marahay na Bareta Biblia

⁹ Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Mga Talinhaga 22:9 ပူးပေါင်းရင်းမြစ်များ

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Mga Talinhaga 11:17

An tawong maboot napapakarahay, alagad an makuri nagraraot kan sadiri niyang buhay.

Mga Talinhaga 11:25

Magmatinao ka, asin mauswag ka. Tabangan mo an iba, asin tatabangan ka man.

Mga Talinhaga 11:27

Igagalang ka kun marahay an mga katuyohan mo, alagad kun karatan an hinahanap mo, iyan an makukua mo.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Mga Talinhaga 28:24

An naghahabon sa saiyang magurang asin minasabing bako iyan kasalan nakakaarog man sana sa sarong parahabon.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Mga Talinhaga 31:20

Matinao siya sa dukha saka sa mayong sukat.

Isaias 32:8

Alagad an iginagalang na tawo minagibo nin matanos asin pusog na ipinakikilaban an mga bagay na matanos.

Mateo 20:15

Dai daw ako makapagboot kan boot kong gibohon sa sadiri kong kwarta? O naoori ka ta ako matinao?’”

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Lukas 14:13

Kun magbangkete ka, alokon mo an mga dukha, mga kimay, mga pilay asin mga buta.

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Deuteronomio 28:56

Maski an pinakamaboot saka pinakadelikadong babae, na dai pa nangahas magtungtong sa daga, magigin maimot sa saiyang agom sagkod mga aki;

Hebreyo 13:16

Dai kamo malingaw sa paggibo nin karahayan asin sa pagpatarabang-tabang, huli ta iyo ini an mga sakripisyo na nakakapaogma sa Dios.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

1 Pedro 4:9

Maogmang padagoson nindo sa saindong harong an saindong kapwa.