Mga Talinhaga 22:4 - Marahay na Bareta Biblia

⁴ An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 22:4 ပူးပေါင်းရင်းမြစ်များ

Mga Talinhaga 19:23

Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 21:20

Nagdadanay an mahalagang kayamanan sa laog kan harong kan madonong, alagad madali sanang mawara an kwarta kan lolong.

Mga Talinhaga 21:21

An namumuhay na matanos saka maboot mahalawig an buhay asin oomawon.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Mga Talinhaga 22:5

Mga tonok saka mga siod an nasa dalan kan tampalasan; an namomoot sa sadiri minalikay sa mga iyan.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Mga Talinhaga 31:30

Madaya an karinyo asin nawawara an gayon, alagad an babae na may pagkatakot sa Kagurangnan dapat na omawon.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

Santiago 4:10

Magpakumbaba kamo sa atubang nin Kagurangnan, ta ilalangkaw niya kamo.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”