Mga Talinhaga 22:29 - Marahay na Bareta Biblia

²⁹ Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Mga Talinhaga 22:29 ပူးပေါင်းရင်းမြစ်များ

Genesis 41:38

kaya sinabihan niya sinda, “Makakakua pa daw kita nin arog ki Jose, na igwa kan espiritu nin Dios?”

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

2 Samuel 2:32

Dinara ni Joab asin kan saiyang mga tawohan an bangkay ni Asahel dangan ilinubong sa lulubngan kan saiyang ama duman sa Betlehem. Dangan bilog na banggi sindang naglakaw asin pagkaaga, nakaabot sinda sa Hebron.

1 Mga Hade 10:8

Paladan an saimong mga agom! Paladan an mga sorogoon mong ini, na danay na naglilingkod sa atubang mo asin naghihinanyog kan saimong kadonongan.

1 Mga Hade 11:28

Si Jeroboam sarong lalaki na igwa nin kakayahan, asin kan mahiling ni Solomon an kahigosan ni Jeroboam sa pagtrabaho, ibinugtak niya ini bilang parapamahala kan mga tawong pirit na pinapagtrabaho sa teritoryo kan mga tribu ni Manases asin ni Efraim.

1 Mga Cronica 4:23

Naglilingkod sinda sa hade bilang mga paragibo nin koron asin nag-erok sinda sa mga banwa nin Netaim asin Gedera.

Mga Talinhaga 10:4

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 12:24

An kahigosan iyo an matao saimo nin kapangyarihan; an pagigin hugakon iyo an madara saimo sa kaoripnan.

Mga Talinhaga 23:1

Kun magtukaw ka sa pagkakan kaiba an sarong dakulang tawo, hare paglingawe kun siisay an saimong kahampang.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Daniel 1:19

Kinaolay sinda gabos kan hade, asin nahiling niyang mas marahay ki sa gabos si Daniel, Hananias, Misael, asin Azarias, kaya sinda an napiling maglingkod sa hade.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Mateo 25:21

Nagsabi an kagurangnan, ‘Tama an ginibo mo, marahay asin maimbod na sorogoon! Nagin maimbod ka sa kadikit, kaya gigibohon takang parapamahala nin dakul. Madya asin makisumaro ka sa kaogmahan ko!’

Mateo 25:23

Nagsabi an kagurangnan, ‘Tama an ginibo mo, marahay asin maimbod na sorogoon! Nagin maimbod ka sa kadikit, kaya gigibohon takang parapamahala nin dakul. Madya asin makisumaro ka sa kaogmahan ko!’

Roma 12:11

Dai kamo maghinugak kundi magmahigos; maglingkod kamo sa Kagurangnan.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

1 Samuel 16:21

Nag-abot si David ki Saul asin nagpoon maglingkod sa hade. Nawilihan siya nin marahay ni Saul kaya siya an nagin paradara kan armas niya.

1 Samuel 17:31

Kan madangog kan nagkapirang kalalakihan an sinabi ni David, isinumbong siya ninda ki Saul; ipinaapod siya ni Saul.