Mga Talinhaga 22:23 - Marahay na Bareta Biblia

²³ Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Mga Talinhaga 22:23 ပူးပေါင်းရင်းမြစ်များ

Salmo 103:6

An Kagurangnan minapahiling nin pagbalos asin hustisya para sa gabos na inaapi.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 12:6

Masasarigan an mga panuga nin Kagurangnan; siring sa purong plata, na sa horno pitong beses lininigan.

Salmo 140:12

Kagurangnan, aram kong tinatabangan mo an mga nasasakitan; asin an mga daing sukat tinatawan mo nin katanosan.

Salmo 140:13

Oomawon nanggad kan mga matanos an saimong ngaran; asin mag-eerok sinda sa saimong atubang.

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 68:5

Ama nin mga mayong ama asin parasurog nin mga balo; siring kaiyan an Dios sa saiyang banal na Templo.

Exodo 22:22

Dai nindo pagpasakitan an mga babaeng balo o an mga ilo.

Exodo 22:23

Kun pasakitan nindo sinda dangan maghagad sinda sako nin tabang, ako, an Kagurangnan, matabang sa sainda.

Mga Talinhaga 21:7

Napapahamak an mga tampalasan huli kan sadiri nindang kadahasan; isinisikwal ninda an paggibo kan matanos.

Mga Talinhaga 23:11

An Kagurangnan iyo an saindang makosog na parasurog, asin siya an malaban kan saindang kaso laban saimo.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Jeremias 30:16

Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Habakkuk 2:8

Sinamsaman nindo an mga taga ibang nasyon, alagad sasamsaman kamo kan mga matatadang buhay huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.