Mga Talinhaga 22:22 - Marahay na Bareta Biblia

²² Dai mo paghabonan an dukha huli ta siya dukha, o pag-apihon an mayong sukat sa atubang kan hukoman.

Mga Talinhaga 22:22 ပူးပေါင်းရင်းမြစ်များ

An Libro ni Job 31:16

“Dai ako nagsayuma na tabangan an dukha; dai ako nagtugot na mamuhay sa kasakitan an mga babaeng balo

An Libro ni Job 31:21

“Kun may dinaya akong sarong ilo, ta nahiling kong sa paaging ini manggagana ako sa husgado,

Exodo 23:3

Dai ka magpahiling nin pagpaorog sa sarong dukha kun binibista siya.

Exodo 23:6

“Itao mo an hustisya sa tawong dukha kun siya mag-atubang sa husgado.

Mga Talinhaga 21:7

Napapahamak an mga tampalasan huli kan sadiri nindang kadahasan; isinisikwal ninda an paggibo kan matanos.

Mga Talinhaga 22:16

An nagreregalo sa mayaman, o an nag-aapi sa dukha tanganing magyaman magigin dukha man.

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 25:17

Dai nindo pagdayaon an kapwa nindo Israelita, kundi magkaigwa kamo nin takot sa Dios; huli ta ako an Kagurangnan na saindong Dios.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 23:16

Pwede siyang mag-erok sa arin man kan saindong mga banwa na pilion niya, asin dai nindo siya pag-apihon.