Mga Talinhaga 22:17 - Marahay na Bareta Biblia

¹⁷ Paghinanyog asin tutukdoan taka kan mga tataramon kan mga madonong. Adalan mo an saindang mga katukdoan,

Mga Talinhaga 22:17 ပူးပေါင်းရင်းမြစ်များ

Salmo 78:1

Banwaan ko, dangoga an sakong katukdoan, asin hinanyoga an sakong itataram.

Salmo 90:12

Ipasabot mo samuya na bilang sana an samong mga aldaw, tanganing magkaigwa kami nin kadonongan.

Mga Talinhaga 1:3

Tutukdoan kamo kaini kan matanos na paagi nin pamumuhay, pagigin onesto, matanos, asin mayong pagpapalaen sa kapwa.

Mga Talinhaga 23:12

Pagdangog sa saimong paratukdo saka pag-adal nin marahay.

Mga Talinhaga 24:23

An mga madonong nagtaram man kan mga bagay na ini: Bakong marahay para sa sarong hukom may pinapalaen.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 8:16

Kan hiningowa kong magin madonong asin masabotan an nangyayari sa kinaban, nasabotan kong maski aldaw-bangging dai magtorog an tawo,

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”