Mga Talinhaga 22:16 - Marahay na Bareta Biblia

¹⁶ An nagreregalo sa mayaman, o an nag-aapi sa dukha tanganing magyaman magigin dukha man.

Mga Talinhaga 22:16 ပူးပေါင်းရင်းမြစ်များ

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Mga Talinhaga 28:3

An nag-aapi sa dukha garo makosog na doros na nagraraot sa mga tinanom.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Lukas 16:24

Kaya nagkurahaw siya, ‘Amang Abraham! Kaheraki man ako! Sugoa man si Lazaro na idotdot an muro niya sa tubig tanganing palipotan an dila ko, huli ta nasasakitan ako nin makuri sa kalayong ini!’

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.