Mga Talinhaga 22:15 - Marahay na Bareta Biblia

¹⁵ Natural sa aki an pagigin pilyo alagad sa paagi kan hampak makakanood siyang maggibo nin marahay.

Mga Talinhaga 22:15 ပူးပေါင်းရင်းမြစ်များ

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Mga Talinhaga 13:24

Kun dai mo pagpadusahan an saimong aki, dai mo siya namomotan. Kun namomotan mo siya, didisiplinahon mo siya.

Mga Talinhaga 19:18

Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.

Mga Talinhaga 20:30

Kun minsan kaipuhan na makulogan an sarong tawo tanganing maaraman an sala niyang gibo.

Mga Talinhaga 29:15

An pagsaway asin pagdisiplina marahay para sa aki. Alagad kun siya pabayaan sa saiyang kamawotan, ikakasopog siya kan saiyang ina.

Mga Talinhaga 29:17

Disiplinahon mo an saimong aki, asin tatawan ka niya nin kapahingaloan. An saimong puso tatawan niya nin kaogmahan.

Juan 3:6

An namumundag sa laman, laman; an namumundag sa Espiritu, espiritu.

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.