Mga Talinhaga 21:4 - Marahay na Bareta Biblia

⁴ Pagkamoot sa sadiri asin kapaabaw-abawan—iyo an tanda kan maraot saka iyan kasalan.

Mga Talinhaga 21:4 ပူးပေါင်းရင်းမြစ်များ

An Libro ni Job 18:5

“Papalsokon man giraray an ilaw kan maraot; an laad kan saiyang kalayo dai na magliliwanag.

An Libro ni Job 18:6

Magdidiklom an ilawan sa saiyang tolda.

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 101:5

An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

Salmo 131:1

Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Mga Talinhaga 24:20

An tampalasan mayong paglalaomon sa huring aldaw.

Mga Talinhaga 30:13

Igwa nin mga tawo na mapaabaw-abaw—naghohona sinda na sinda marahay.

Mga Talinhaga 6:16

Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 3:16

Nagtaram an Kagurangnan: “Huli ta mapalangkaw an mga aking babae nin Jerusalem, tuog an liog kun maglakaw, pasurusikrap kan saindang mga mata, garo nagduduyan an lubot, asin nagpapatanog kan mga pulseras sa saindang mga bitis,

Lukas 11:34

An mga mata mo iyo an ilaw kan saimong hawak. Kun malinaw an mga mata mo, an bilog mong hawak pano nin kaliwanagan; alagad kun malabog an saimong mga mata, an hawak mo pano nin kadikloman.

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Roma 14:23

Alagad an minakakan na nasa pagduwa-duwa, hinukoman na, huli ta bakong oyon sa pagtubod niya an saiyang ginigibo. An anoman na bakong napapatugmad sa pagtubod, kasalan.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”