Mga Talinhaga 21:31 - Marahay na Bareta Biblia

³¹ Pwedeng iandam an mga kabayo para sa ralaban, alagad an Kagurangnan iyo an minatao nin kapangganahan.

Mga Talinhaga 21:31 ပူးပေါင်းရင်းမြစ်များ

2 Samuel 23:12

alagad dai naghiro si Samma sa saiyang natitindogan duman sa oma. Dai siya naghale kundi nakilaban; ginadan niya an mga Filisteo. Sarong dakulang kapangganahan an ipinahiling nin Kagurangnan kan aldaw na idto.

Salmo 144:10

Tinatawan mo nin kapangganahan an mga hade asin iliniligtas mo an saimong sorogoon na si David.

Salmo 147:10

An saiyang kaogmahan dai nasa makosog na mga kabayo, ni sa maisog na mga soldados;

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 20:8

Luluyahon sinda asin matutumba, alagad mabangon kami asin pusog na matindog.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 3:8

An kaligtasan hale sa Kagurangnan; bendisyonan mo logod an saimong banwaan.

Salmo 68:20

An satong Dios sarong Dios nin kaligtasan; siya an Kagurangnan, an satong Kagurangnan, na minaligtas sato sa kagadanan.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Jeremias 3:23

Mayo nin ikinataong tabang samo an pagsamba sa mga dios-dios sa ibabaw kan kabubuldan. An tabang para sa Israel minahale nanggad sa Kagurangnan na samong Dios.

1 Corinto 15:57

Alagad salamat sa Dios na iyo an nagtatao sato nin kapangganahan huli ki Jesu-Cristo na satong Kagurangnan!