Mga Talinhaga 21:21 - Marahay na Bareta Biblia

²¹ An namumuhay na matanos saka maboot mahalawig an buhay asin oomawon.

Mga Talinhaga 21:21 ပူးပေါင်းရင်းမြစ်များ

Salmo 112:4

An ilaw minaliwanag sa kadikloman para sa mga marahay na tawo, para sa mga maheherakon, maboot asin matanos.

Mga Talinhaga 10:16

Buhay an premyo sa paggibo nin marahay, alagad an kasalan namumunga nin orog pang kasalan.

Mga Talinhaga 11:19

An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 15:9

Ikinakauyam nin Kagurangnan an pamumuhay kan maraot, alagad namomotan niya an naggigibo nin matanos.

Mga Talinhaga 22:4

An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 3:22

Tatawan ka ninda nin buhay—sarong magayagaya saka maogmang buhay.

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Roma 14:19

Kaya hingowahon ta an mga bagay na nagdadara nin katoninongan, asin nagtatabang sa pagpakosog kan pagtubod nin lambang saro.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Filipos 3:12

Dai ko sinasabi na nakamtan ko na ini, o na ako mayo na nin kakulangan; kundi padagos akong nagdadalagan tanganing masadirihan ko an premyo, siring na ako nasadirihan ni Cristo Jesus.

1 Tesalonica 5:21

Baloon nindo an gabos na bagay saka gibohon nindo an marahay.

1 Timoteo 6:11

Alagad ika na tawong sadiri nin Dios, maglikay ka sa gabos na bagay na ini. Hingowahon mo an katanosan, kabanalan, pagtubod, pagkamoot, pakatagal, asin kahoyoan.

2 Timoteo 2:22

Kaya maglikay ka sa mga kamawotan na sa hoben. Hingowahon mong makamtan an katanosan, pagtubod, pagkamoot, asin katoninongan, kaiba kan mga tawong malinig an puso na naghahagad nin tabang sa Kagurangnan.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.