Mga Talinhaga 21:20 - Marahay na Bareta Biblia

²⁰ Nagdadanay an mahalagang kayamanan sa laog kan harong kan madonong, alagad madali sanang mawara an kwarta kan lolong.

Mga Talinhaga 21:20 ပူးပေါင်းရင်းမြစ်များ

An Libro ni Job 20:15

Isinusuka kan maraot an kayamanan na saiyang hinabon; binabawi iyan nin Dios, maski nasa tulak na niya.

An Libro ni Job 20:18

Ibabalik niya an bunga kan saiyang kapagalan, asin dai niya mahahalon iyan; an ganansya kan saiyang negosyo dai niya mapapakinabangan,

Salmo 112:3

An saiyang pamilya magigin mayaman, asin siya magigin mauswag sagkod lamang.

Salmo 23:5

Nag-aandam ka nin sarong bangkete para sako sa atubang nin sakong mga kaiwal; an sakong payo linalahidan mo nin lana, an sakong kalis nagsusupay.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Mga Talinhaga 14:24

An korona kan madonong iyo an saindang kadonongan, alagad an kulintas kan lolong iyo an saindang kalolongan.

Mga Talinhaga 15:6

Sinasaray kan matanos an saindang kayamanan, alagad an kayamanan kan tampalasan nauubos sa panahon nin kasakitan.

Mga Talinhaga 22:4

An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 8:21

Tinatawan ko nin kayamanan an mga namomoot sako; pinapano ko nin kayamanan an saindang harong.

Parahulit 10:19

An tinapay nakakapaogma, asin an arak nakakapagian sa buhay; alagad dai iyan makakamtan kun mayo nin kwarta.

Parahulit 5:19

Kun an tawo tawan nin Dios nin kayamanan saka mga rogaring, asin kapangyarihan sa pag-ogma huli kaiyan, kaipuhan magpasalamat siya patin ipag-ogma an saiyang pinagalan. Iyan sarong regalo nin Dios.

Parahulit 7:11

An gabos na tawong nabubuhay dapat magin madonong; marahay iyan siring sa pag-ako nin kahirasan.

Jeremias 41:8

Alagad sampolo sa sainda an nagsabi ki Ismael, “Dai mo kami paggadanon! Igwa kami nin dakul na trigo, sebada, lana nin oliba, asin dugos na nakatago sa kaomahan.” Kaya dai niya sinda ginadan.

Mateo 25:8

An limang mangmang nagsabi sa limang madonong, ‘Tawe man kami kan iba nindong lana huli ta mapaparong na an samong mga ilawan.’

Lukas 15:14

Naubos an gabos niyang kwarta. Dangan nagkaigwa nin makuring gutom sa lugar na idto asin nagpoon man siyang magtios.

Lukas 16:1

Nag-osipon man si Jesus sa saiyang mga disipulo, “Igwa nin sarong mayaman na may enkargado na namamahala kan mga pagsadiri niya. Nakaabot sa mayaman na ini an bareta na an sadiri niya pinagpaparagasto kan enkargado.

Lukas 6:45

An marahay na tawo, marahay man an gibo huli ta pano nin nasasaray na karahayan an saiyang puso; an maraot na tawo, maraot man an gibo huli ta pano nin nasasaray na karatan an saiyang puso. Huli ta sa kapanoan nin puso, nagtataram an ngoso.