Mga Talinhaga 21:16 - Marahay na Bareta Biblia

¹⁶ An kagadanan naghahalat sa kiisay man na minaharayo sa dalan nin pakasabot.

Mga Talinhaga 21:16 ပူးပေါင်းရင်းမြစ်များ

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Mga Talinhaga 11:19

An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 19:16

An nag-iingat kan mga togon nin Dios, nag-iingat kan sadiring buhay; an naoongis kan mga iyan magagadan.

Mga Talinhaga 2:13

mga tawong nagbabaya kan matanos na pamumuhay tanganing mamuhay sa kadikloman nin kasalan,

Mga Talinhaga 5:23

Nagagadan siya huli ta mayo siya nin pakapugol sa sadiri. An dakula niyang kalolongan iyo an madara saiya sa sadiri niyang lulubngan.

Mga Talinhaga 9:18

Alagad dai aram kan saiyang mga biktima na kagadanan an idtoon sa saiyang harong, na an saiyang mga nagin bisita yaon na ngunyan sa irarom, sa kinaban kan mga gadan.

Ezekiel 18:24

“Alagad kun an sarong matanos na tawo mag-ontok sa paggibo nin marahay dangan magpoon sa paggibo nin maraot saka makauuyam na mga bagay na ginigibo kan mga tampalasan, padagos daw siyang mabubuhay? Dai! Mayo sa mga matanos na bagay na ginibo niya an magigiromdoman. Magagadan siya, huli ta dai siya nagin maimbod asin huli kan saiyang mga kasalan.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Efeso 2:1

Binuhay niya kamo kan gadan pa kamo huli kan saindong kasombikalan saka mga kasalan.

Hebreyo 10:38

An tawong matanos, mabubuhay sa pagtubod; alagad kun sumibog siya, dai ko siya ikakaogma.”

1 Juan 2:19

An mga tawong ini hale sato, alagad bakong kabilang sato; huli ta kun kabilang ta sinda, nagdanay kutana sinda sa kaibahan ta. Alagad huminale sinda tanganing magin maliwanag nanggad na bako sindang kabilang ta.

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.