Mga Talinhaga 21:12 - Marahay na Bareta Biblia

¹² Aram kan banal na Dios an nangyayari sa laog kan harong kan mga maraot, asin dadarahon niya sinda sa kapahamakan.

Mga Talinhaga 21:12 ပူးပေါင်းရင်းမြစ်များ

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

An Libro ni Job 5:3

Nahiling ko an lolong na nagigin masarig, alagad tolos kong minaldisyon an saiyang pinag-eerokan.

An Libro ni Job 8:15

Minasarig sinda sa harong kaini, alagad dai iyan minatagal; namumugol sinda sa lapat, alagad dai iyan nakakatabang na sinda makatindog.’”

Salmo 107:43

Isipon logod kan mga madonong an mga bagay na ini; akoon logod ninda an danay na pagkamoot nin Kagurangnan.

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Mga Talinhaga 13:6

An matanos na tawo iniingatan kan katanosan, alagad an kasalan iyo an minapabagsak kan tampalasan.

Mga Talinhaga 14:11

Magdadanay na nakatindog an harong kan matanos, alagad magagaba an harong kan tampalasan.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 29:16

Kun an maraot iyo an nagkakapot nin kapangyarihan, nagdadakul an krimen. Alagad mahihiling kan mga matanos an pagbagsak kan mga tawong iyan.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

1 Corinto 10:5

Alagad maski siring, dai ikinaogma nin Dios an kadaklan sainda, kaya an saindang bangkay nagkawararak sa kalangtadan.