Mga Talinhaga 21:10 - Marahay na Bareta Biblia

¹⁰ Danay na karatan na iniisip kan tampalasan; mayo siya nin pagkaherak sa kiisay man.

Mga Talinhaga 21:10 ပူးပေါင်းရင်းမြစ်များ

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Mga Talinhaga 12:12

Marurumpag an makosog na tore kan maraot, alagad an matanos dai nanggad matatanyog.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 2:14

mga tawong naoogma sa paggibo nin maraot asin naggagayagaya sa bikong gibo,

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Mga Talinhaga 21:9

Mas marahay pang mag-erok sa sarong gilid sa ibabaw kan bubong kan harong ki sa laog kaini na an kaibahan sarong maribok na babae.

Mga Talinhaga 3:29

Dai ka magplano nin maraot laban sa saimong kapwa, na nag-eerok sa kataed mo asin nananarig saimo.

1 Corinto 10:6

An gabos na ini sarong pagpatanid sato tanganing dai kita magmawot nin maraot arog kan ginibo ninda.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.