Mga Talinhaga 21:1 - Marahay na Bareta Biblia

¹ An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Mga Talinhaga 21:1 ပူးပေါင်းရင်းမြစ်များ

2 Mga Hade 19:33

Mabalik siya sa hinalean niya na an aagihan iyo an dalan na inagihan niya pasiring digdi; dai siya makakalaog sa syudad na ini. Ako, an Kagurangnan, iyo an nagtaram.

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 6:22

Sa laog nin pitong aldaw, maogmang pinagselebrar ninda an Pyesta kan Tinapay na Mayo nin Lebadura. Maogma sinda huli ta ginibo nin Kagurangnan na mawilihan sinda kan emperador nin Asiria, tanganing tabangan sinda sa pagtugdok giraray kan Templo kan Dios nin Israel.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Esther 2:17

Nagustohan siya kan hade orog ki sa arin man sa mga babae; nawilihan siya asin namotan kan hade orog ki sa arin sainda. Kaya kinoronahan siya kan hade saka ginibong reyna bilang kasalihid ni Vasti.

Salmo 105:25

Pinangagin niyang kaongisan kan mga Egipcio an saiyang banwaan, asin dayaon an saiyang mga sorogoon.

Salmo 106:46

Pinangagin niyang maherakan sinda kan mga nagsakop sa sainda.

Salmo 114:3

Huminiling an Dagat na Pula asin duminulag; an Salog nin Jordan suminibog.

Salmo 114:5

Ano an nangyari saimo, O Dagat, ta ika duminulag? Asin ika, O Jordan, ta ika suminibog?

Salmo 74:15

Pinabulos mo an mga sapa saka burabod; pinamara mo an mga darakulang salog.

Salmo 93:4

Orog na makosog ki sa hagubohob nin mga katubigan, orog na makosog ki sa alon nin kadagatan, an Kagurangnan mapangyari sa kaitaasan.

Exodo 7:3

Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Mga Talinhaga 16:1

Nasa tawo an pagplano, alagad nasa Dios an huring tataramon.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Mga Talinhaga 20:24

Itinalaan nin Kagurangnan an mga lakad kan tawo kaya paano masasabotan nin siisay man an dalan na saiyang linalakawan?

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 44:27

Huli sa sarong pagboot pinaalang ko an dagat.

Jeremias 39:12

“Hanapa si Jeremias saka atamana siya. Dai mo siya pagkulogon, kundi sunodon mo an boot niya.”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.

Kapahayagan 16:4

Inula naman sa mga salog saka sa mga burabod kan ikatolong anghel an nasa saiyang mangko; nagin dugo an mga iyan.