Mga Talinhaga 20:7 - Marahay na Bareta Biblia

⁷ Paladan an mga aki na igwa nin ama na onesto saka matanos.

Mga Talinhaga 20:7 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

Salmo 112:2

Magigin mapangyari sa daga an saiyang mga kapagarakian; an henerasyon nin mga matanos magigin paladan.

Salmo 15:2

An makinuyog-kuyog sa Dios sa gabos na bagay asin naggigibo nin katanosan, an nagtataram nin katotoohan

Salmo 26:1

Tawan mo ako nin katanosan, Kagurangnan, huli ta ako naglakaw sa kabanalan, asin daing pagduwa-duwang nagsarig sa Kagurangnan.

Salmo 26:11

Alagad para sako, maglalakaw ako sa katanosan; ligtasan ako saka saimong kaherakan.

Salmo 37:26

Sa gabos na panahon siya nagtatao asin nagpapasubli sa ibang tawo, asin nagigin mga bendisyon an saiyang mga aki.

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 14:2

An naglalakaw sa katanosan natatakot sa Kagurangnan, alagad an may bikong pamumuhay minasikwal saiya.

Mga Talinhaga 14:26

An pagkatakot sa Kagurangnan minatao nin pagsarig asin katiwasayan sa sarong tawo saka sa saiyang pamilya.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.