Mga Talinhaga 20:30 - Marahay na Bareta Biblia

³⁰ Kun minsan kaipuhan na makulogan an sarong tawo tanganing maaraman an sala niyang gibo.

Mga Talinhaga 20:30 ပူးပေါင်းရင်းမြစ်များ

Salmo 89:32

dangan papadusahan ko sinda huli kan saindang mga kasalan; papatioson ko sinda huli kan saindang mga karatan.

Mga Talinhaga 19:25

Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.

Mga Talinhaga 22:15

Natural sa aki an pagigin pilyo alagad sa paagi kan hampak makakanood siyang maggibo nin marahay.

Mga Talinhaga 27:6

May karahayan an hampak nin maimbod na katood ki sa hadok nin kaiwal.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Hebreyo 12:10

Dinisiplina kita kan satong mga ama sa daga sa halipot na panahon, siring sa pagmarahayon ninda; alagad an Dios minagibo kaiyan para sa satong karahayan, tanganing magkaigwa kita nin kahirasan sa saiyang kabanalan.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.