Mga Talinhaga 20:3 - Marahay na Bareta Biblia

³ Kaomawan para sa tawo an paglikay sa iriwal; alagad an mga lolong mag-iiriwal.

Mga Talinhaga 20:3 ပူးပေါင်းရင်းမြစ်များ

Genesis 13:7

Kaya nagkaigwa nin pag-iriwal an mga pastor ni Abram asin ni Lot. (Kaidto, an mga Cananeo asin Perezeo iyo an nag-eerok sa lugar na idto.)

Genesis 13:8

Dangan sinabihan ni Abram si Lot, “Magkadugo kitang duwa, kaya dai dapat na mag-iriwal an satong mga pastor.

2 Mga Hade 14:9

Ipinadara ni Jehoas ki Amazias an simbag na ini, “Sarong binit sa Lebanon an nagsabi sa sarong sedro sa Lebanon, ‘Ipakasal mo an aki mong babae sa aki kong lalaki.’ Alagad sarong lalaw na hayop an nag-agi dangan tinimaktimakan an binit.

Mga Talinhaga 14:17

An tawong mainit an payo nakakaginibo nin kalolongan; an tawong madonong nagdadanay na toninong.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 18:6

An mga ngabil kan lolong nagdadara nin iriwal, asin an saiyang ngoso naghahanap nin kulog sa hawak.

Mga Talinhaga 19:11

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 26:17

Arog sa tawong minatakma na sana kan talinga kan arin man na minaaging ayam an tawong nakikiaram sa problema nin iba.

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

Santiago 4:1

Ano an ginigikanan kan mga gera asin mga pag-iriwal nindo? Bakong gikan iyan sa maraot nindong mga kamawotan na danay nagraralaban diyan sa saindo?