Mga Talinhaga 20:24 - Marahay na Bareta Biblia

²⁴ Itinalaan nin Kagurangnan an mga lakad kan tawo kaya paano masasabotan nin siisay man an dalan na saiyang linalakawan?

Mga Talinhaga 20:24 ပူးပေါင်းရင်းမြစ်များ

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 25:4

Kagurangnan, tukdoan sako an saimong mga dalan; tukdoan sako an saimong mga agihan.

Salmo 37:23

An tawo pinapangenotan nin Kagurangnan sa saiyang paglakaw; asin inaataman niya an saiyang nawiwilihan.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 16:1

Nasa tawo an pagplano, alagad nasa Dios an huring tataramon.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Mga Gibo 17:28

huli ta, ‘Sa saiya kita nabubuhay, naghihiro, asin nagkakaigwa nin sadiring pagkatawo;’ siring sa sinabi kan nagkapira nindong poeta, ‘Kita mananggad mga aki niya.’