Mga Talinhaga 20:2 - Marahay na Bareta Biblia

² An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 20:2 ပူးပေါင်းရင်းမြစ်များ

1 Mga Hade 2:23

Dangan nagsumpa si Hadeng Solomon sa ngaran nin Kagurangnan, “Padusahan logod ako nin Dios sagkod na magadan kun dai ko gadanon si Adonias huli kan kahagadan niyang ini!

1 Mga Hade 2:24

Pinatukaw ako nin Kagurangnan sa trono kan sakong ama na si David; inotob niya an saiyang panuga asin an kahadean itinao niya sako saka sa sakong mga kapagarakian. Minasumpa ako sa ngaran kan buhay na Kagurangnan na magagadan si Adonias ngunyan na aldaw!”

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Parahulit 10:4

Kun maanggotan ka kan pamayo, dai ka maghale sa saimong katongdan; huli ta an dakulang mga kasalan pwedeng patawadon kun dai ka sana maggirong.

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Habakkuk 2:10

alagad kasosopgan an dinara sa saindong pamilya kan saindong mga plano; sa panraraot nin mga nasyon, kamo man sana an nagdara nin pagkaraot sa saindong sadiri.

Mga Bilang 16:38

Nagin banal an mga ini kan idolot sa altar nin Kagurangnan. An mga insensaryo kan mga lalaking ini na ginadan huli ta nagkasala, pulpogon mo asin gibohon na mga mahimpis na pantahob sa altar. Ini magigin sarong tanda para sa mga Israelita.”