Mga Talinhaga 20:18 - Marahay na Bareta Biblia

¹⁸ Maootob an mga plano kun may matanos na hatol; makigera kun igwa nin matanos na plano.

Mga Talinhaga 20:18 ပူးပေါင်းရင်းမြစ်များ

1 Mga Hade 1:12

Uya an hatol ko saimo tanganing ikaligtas mo an saimong buhay asin an buhay kan saimong aking si Solomon.

2 Mga Hade 18:20

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrebelde siya sa emperador nin Asiria?

Mga Talinhaga 11:14

Marurumpag an sarong nasyon kun mayo nin pagsusundon. An dakul na parahatol nangangahulogan nin katiwasayan.

Mga Talinhaga 15:22

Masasayang an mga plano kun mayo nin maigot na pag-aadal, alagad kun kadakul kan parahatol marahay an magigin bunga kaiyan.

Mga Talinhaga 24:6

Huli ta kaipuhan mo an maingat na pagplano bago ka makigera, asin huli sa dakul na marahay na hatol, orog an paglaom mo na ika manggagana.

Mga Talinhaga 25:8

Dai ka magmadali sa pagdara sa hukoman kan ano man na nahiling mo. Huli ta kun may magpatotoo na nasasala ka, ano an saimong gigibohon?

Lukas 14:31

Kun may sarong hade na boot makigera sa saro man na hade, iisipon ngona niya kun kaya niyang makilaban na dyes mil sana an soldados niya tumang sa beynte mil.

Hukom 19:30

An lambang saro na nakahiling kaini nagsabi, “Mayo pa nin nangyaring arog kaini poon na maghale sa Egipto an mga Israelita. Dapat maghiro kita manongod sa bagay na ini, alagad ano?”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

Hukom 20:7

Mga Israelita kamo gabos na uya digdi. Ano an satong gigibohon manongod sa bagay na ini?”

Hukom 9:29

Kun ako an mamamayo kan mga tawong ini, papahaleon ko si Abimelec! Sasabihan ko siyang, ‘Pakosoga an saimong hukbo, magluwas ka asin makilaban.’”