Mga Talinhaga 20:13 - Marahay na Bareta Biblia

¹³ Kun uboson mo an saimong panahon sa pagkatorog, magigin dukha ka. Alagad magmahigos ka asin magkakaigwa ka nin dakul na kakanon.

Mga Talinhaga 20:13 ပူးပေါင်းရင်းမြစ်များ

Mga Talinhaga 10:4

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 12:11

An mahigos na paraoma igwa nin dakul na kakanon, alagad kalolongan an magsayang nin panahon sa mayo nin halagang mga proyekto.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 19:15

An hugakon minapakatorog sa tawo nin haloy, asin an tawong hugakon mayo nin kakakanon.

Mga Talinhaga 20:14

Minasabi an parabakal, “Halangkaw an saimong presyo.” Alagad paghale niya, ipinaghahambog niya na nakabakal siya sa hababang presyo.

Mga Talinhaga 28:19

An mahigos na paraoma magkakaigwa nin dakul na kakanon, alagad an nagsasayang sana nin oras magdadanay sa kadukhaan.

Mga Talinhaga 31:15

Bago magsirang an aldaw minabangon na siya tanganing andamon an kakanon kan saiyang pamilya, asin tanganing taraman an saiyang mga sorogoon na babae kan dapat nindang gibohon.

Jonas 1:6

Nahiling siya duman kan kapitan dangan sinabihan, “Tano ta nagkakatorog ka? Magbangon ka asin mag-apod sa saimong dios! Tibaad maherakan niya kita asin iligtas.”

Roma 12:11

Dai kamo maghinugak kundi magmahigos; maglingkod kamo sa Kagurangnan.

Roma 13:11

Kaipuhan otobon na nindo iyan huli ta aram nindo na oras na tanganing magmata kita sa pagkakatorog. An satong kaligtasan mas harani na sato ki kaidto kan bago pa sana kitang magtubod.

1 Corinto 15:34

Magtoltol kamo saka dai na magkasala. An iba saindo dai nakakamidbid sa Dios. Sinasabi ko ini nganing masopog kamo.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

2 Tesalonica 3:10

Huli ta kan kami kaiba pa nindo, sinabi mi saindo na, “An siisay man na habong magtrabaho, dai dapat pakakanon.”