Mga Talinhaga 20:1 - Marahay na Bareta Biblia

¹ An arak mayo nin karahayan na itinatao sa tawo; asin kamangmangan an magpakaburat sa arak.

Mga Talinhaga 20:1 ပူးပေါင်းရင်းမြစ်များ

2 Samuel 11:13

Inalok ni David si Urias na magkakan sa kaibahan niya dangan binurat niya. Alagad kan bangging idto, dai man giraray nagpuli sa saiyang harong si Urias; nagkatorog siya sa saiyang higdaan sa kwarto kan mga bantay sa palasyo.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

Mga Talinhaga 23:20

Dai ka makiiba sa mga paraburat asin sa mga paslo.

Mga Talinhaga 31:4

Lemuel, an mga hade dai dapat na mag-inom nin arak, ni magmawot nin makosog na inomon.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 5:11

Herak man sa mga amay minabangon sa pagkaaga tanganing hanapon an irinoman, sagkod sa kamatangaan nin banggi, sagkod na sinda magkabururat!

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Oseas 7:5

An hade saka an mga opisyal kaini binurat ninda asin pinangagin mga lolong huli sa arak kan magselebrar an hade kan saiyang kaaldawan.

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Habakkuk 2:5

Madaya an kayamanan. Mapalangkaw an mga tawong paslo saka dai napapamugtak—siring sa kagadanan na dai nababasog. Iyan an dahelan kun tano ta sinasakop ninda an mga nasyon.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.